حقيقة هروب المساجين يوم 29 يناير 2011
انصح بقراءة الاحداث من
الاسفل حيث انها مرقمه عكسيا
ツرجل القوس @maganenoo
ده اللواء شوقي الشاذلي كان وكيل
المنطقه وبيحكي اللي انا حكيته باختصار
ツرجل القوس @maganenoo
اللواء شوقي الشاذلي وكيل منطقة سجن
ابو زعبل بردو بيحكي اللي انا حكيته ..
ツرجل القوس @maganenoo
دي شهادة المقدم احمد جلال ..صاحبي
..وزميلي ف نفس السجن وقتها وكان حاضر معانا اليوم المشئوم 29 يناير
ツرجل القوس @maganenoo
كلمه اخيره ..
انا قلت كل اللي حصل بالضبط وقت 29
يناير 2011 في سجن ابو زعبل.اللي عاصرته بنفسي وشهادتي وثقها غيري من اللي حضروا
معايا الحدث ده
ツرجل القوس @maganenoo
في النهاية ..شهادتنا خالصه لوجه
الله..مش تبريء لحبيب العادلي وزير الداخليه عن كل شيء انما ف الموضوع ده بالذات
مصدرش منه ولا غيره ..
ツرجل القوس @maganenoo
مصدرش منهم اي امر ابدا بفتح
السجون..ابدا ..وربنا وحده شاهد على كلامي ده وانا اللي هتحاسب عالشهادة دي امام
الله..مش هاشهد زور ابدا عشان اي حد
ツرجل القوس @maganenoo
المقصود..ان انا لما بقول شهادتي عن
واقع عيشته شخصيا اليوم ده مش بقولها مباهاه ولا مفاخرة بأني كنت مع الرجاله اللي
كانوا ف اماكنهم اليوم ده..
ツرجل
القوس @maganenoo
65.الكلام ده كله موجه للناس اللي
عاوزه تفهم القصه كلها واقسم برب الكعبه ماكدبت ف كلمه ابدا ولا زودت ف كلمه واللي
عاوز يصدق يصدق .انتهى
ツرجل
القوس @maganenoo
64.وثانيا طب لما اتقتل ليه سجنه
ماهربش؟ طالما هو العقبه يعني ادام اوامر الوزاره زي ما الاوساخ بيقولوا سجن القطا
اللي اتقتل فيه مهربش ليه؟!
ツرجل
القوس @maganenoo
63.اما بالنسبه للواء البطران الله
يرحمه ..محصلش ابدا انه اتقتل عشان رفض يفتح السجن..لان اولا مافيش تعليمات
بالكلام ده خالص قسما بالله
ツرجل
القوس @maganenoo
62.ولو بصيتوا على صور لسجن ابو زعبل
هتلاقوا كل البوابات بتاعت الاربع سجون واقعه والاسوار مخرمه بطلقات جرينوف ..لو
فتحناها مكنش ده هايحصل
ツرجل
القوس @maganenoo
61.الهري اللي فات ده كله عشان محدش
يقول اننا فتحنا سجون..اقسم برب البيت الحرام ماحصل ..انا شوفت بعيني عساكر انقسمت
نصين بطلقه جرينوف
ツرجل
القوس @maganenoo
60.وركبنا مكروباص كان رايح طنطا ياسر
نزل المنوفيه وانا كملت لحد بيت اخوالي ف الغربيه ..دخلت ف حالة نفسيه زفت اسبوعين
ツرجل
القوس @maganenoo
59.وجابتلي شكاره قالتلي حط سلاحكم
فيها عشان لو اتشاف السلاح هتندبحوا رسمي..طلعنا ومشينا وصلنا عالدايري بتاع حته
اسمها سرياقوس..
ツرجل
القوس @maganenoo
58.قالت ياحبايبي ..تعالوا ..خدتنا
بيتها وصحت ابنها عنده توكتوك قالتله خد البهوات ركبهم وخليك معاهم عشان ولاد
الكافره مايجوش ناحيتهم
ツرجل
القوس @maganenoo
57.خرجنا على الطريق ورا السجن ..قرى
كلها عرباويه اسمها عرب جهينه ..لقيت واحده عجوزه قلتلها ياحجه معلش ممكن تخبينا
عندك لحد الدنيا ما تهدا
ツرجل
القوس @maganenoo
56.جرينا لحد الترب المدافن اللي ورا
السجن ونزلنا ف واحده فيها انا وياسر السباعي قعدنا فيها نص ساعه بسلاحنا لحد
ماصوت الضرب اختفى خالص..
ツرجل
القوس @maganenoo
55.ذهلت وصوت ضرب النار مش شايف
مصدره..جريت انا وياسر قلتله اجري زجزاج مش خط مستقيم عشان اللي بيجرو ورانا
ميعرفوش ينشونا..
ツرجل
القوس @maganenoo
54.قاللي لا ياباشا مش هاروح بالسلاح
..لسه مخلصش الكلمه لقيته اتنش طلقه معرفش منين ف دماغه ووابل رصاص مش شايفه..
ツرجل
القوس @maganenoo
53.قلت للعسكري يلا ياض خرجنا م البرج
العسكري قاللي هاروح اسلم السلاح ف الكتيبه ياباشا..قلتله مابقاش في كتيبه ..انت
مش شايف الولعه ..
ツرجل
القوس @maganenoo
52.اقسم بالله يدوب خلصت الكلمتين دول
لقيت امين شرطه فتح وبيقولي يا محمد بيييييييه يلا ياباشا..المنطقه وقعت كلها يلا
ياباشاااااااا
ツرجل
القوس @maganenoo
51.بس اكيد انت عارف ان ف يوم عملت
حاجه صح لوجهك الكريم..فلو قبلتها بحقها افتحلي الباب ده عشان او الهمني اني افتحه
ازاي..
ツرجل
القوس @maganenoo
50.نزلت وقفت ادام الباب تاني ..مش
عارف اعمل ايه؟..اقسم بالله العظيم انا وقتها قلت نصا كده يارب انا صايع وعارف
وانت عارف..ومش ملتزم وانت عارف
ツرجل
القوس @maganenoo
49.طلعت ..وقلتله بص يابني احنا هننط
من فوق البرج..الواد بص كده لقى المسافه طويله..قاللي لا ياباشا..لااااا..حاولت
اقنعه مارضيش
ツرجل
القوس @maganenoo
48.لقينا الباب بتاع البرج مقفول.😲😲..طب هنهرب ازاي طلعت تاني انا
والعسكري وبعدين نزلنا تاني قلت اضرب الباب طلقه بس كان حديد فخوفت يعمل سكترما
ツرجل
القوس @maganenoo
47.نزلت انا والعسكري عشان نمشي ونهرب
..لان خلاص المنطقه احتلت من الملثمين اللي مش عارفين هما مين اصلا وقتها ولوادر
بتكسر في كل اسوار المنطقه
ツرجل
القوس @maganenoo
46.ليمان 1 كان هرب من ساعه وليمان 2
المساجين بتهرب ..مافضلش الا سجن شديد الحراسه ..ومفضلش ضباط غير انا وعمرو ده ..
ツرجل
القوس @maganenoo
45.قاللي يامحمد خلاص دخلوا ليمان 2
كمان..اهرب يامحمد قبل مايدبحوك ..كنت انا وظابط اسمه عمرو على برج 4 اللي فاضلين
بس ..
ツرجل
القوس @maganenoo
44.سامع صوت ضرب النار وقتها عالي جدا
طلقات متواصله ..عالساعه 4 كده الصوت هدي جدا..اتصلت بالمأمور كانت الشبكه وسخه
وقتها..اول مارد عليا
ツرجل
القوس @maganenoo
43.وانا هاحمي ضهرك وهاقف في مواجهة
الجنينه اللي ورا السجن وسكة القطر لانها مكشوفه المهم انت محدش يهرب منك قاللي
ماشي
ツرجل
القوس @maganenoo
42.طلعت فوق البرج لقيت العسكري
..قلتله بص خلي سلاحك انت موجه جوه السجن ناحية العنابر اي مسجون خول يهرب كومه
مكانه وش متستناش عليه..
ツرجل
القوس @maganenoo
41.السجن بتاعنا كان صغير حواليه 4
ابراج حراسه. كنت ليا الشرف اني كنت فوق برج منهم..امين الشرطه دخلني وقفل عليا
الباب من بره عشان محدش يطلعلي
ツرجل
القوس @maganenoo
40.المأمور قالنا ليمان 1 وقع مافضلش
غيرنا احنا وليمان 2..وقسمنا .ظباط تطلع فوق ابراج الحراسه مع العساكر فوق وظباط
تقف ادام البوابه وظباط جوه
ツرجل
القوس @maganenoo
39.خدت سلاح الي وخزنتين طلق ..ورجعت
على سجني ..بضرب بعيني كده..لقيت ليمان 1 المساجين عملت هدومها احبال وبيهربوا من
على سوره..
ツرجل
القوس @maganenoo
38.خدت طبنجتي وروحت عالكتيبه لقيت
عساكر فاتحه صناديق السلاح وبتحدف لكل اللي يخش من الضباط والافراد سلاح..في دقيقه
كده وبسرعه..
ツرجل
القوس @maganenoo
37.قاله يا اشرف اي ظابط او فرد عاوز
يروح افتحله خليه يتفضل..قلناله لا ياباشا هنفضل هنا ..قال كله يروح الكتيبه ياخد
سلاح آلي ويجي ..
ツرجل
القوس @maganenoo
36.انا ماتولدتش اكون خول..هادافع عن
السجن لحد اخر طلقه اللي عايز يمشي يتفضل واللي عاوز يقعد يتفضل..مش هاجبر حد انه
يقعد..وقال لأمين البوابه
ツرجل
القوس @maganenoo
35.المأمور وقف وسطنا دقيقه بالظبط
وبعد كده خرج..معرفناش راح فين..رجعلنا بعد 10 دقايق معاه سلاح آلي والطبنجه
بتاعته وقال لنا بصوا يارجاله..
ツرجل
القوس @maganenoo
34.وصوت ضرب النار ف كل حته
..والعنابر عندنا لسه مقفوله والمساجين بيخبطوا عالزنازين بصوره مفزعه..اتلمينا
كلنا جوه حوش السجن اودام بوابته..
ツرجل
القوس @maganenoo
33.مشيوا عشان يروحوا ليمان ابو زعبل
1 اللي بدأ من عنده الهجوم ..لوادر كبيره بتهد ف سور ليمان 1 اللي بيبعد عننا
حوالي 500 متر مثلا
ツرجل
القوس @maganenoo
32.وسيبت مذكراتي ودفتر التوفير بتاع
البوسطه قلت هارجع اخدهم وانا مروح..طلعت ف حوش السجن لقيت العساكر اللي قدام العنبر
مشيت
ツرجل
القوس @maganenoo
31.صحيت مفزوع.لبست هدومي القميص
الابيض والبنطلون الاسود وملبستش البلوفر اللي عليه النجوم.وفتحت الدورج بتاع
المكتب خدت المحفظه فيها كارنيهاتي
ツرجل
القوس @maganenoo
30.قلتله في ايه يا محروس؟ قاللي اصحى
ياباشا في ضرب عالمنطقه من بره؟منطقة مين يابني قاللي السجن..قلتله احه..ازاي
بجد؟فين؟ قاللي ياباشا في قلق
ツرجل
القوس @maganenoo
29.نمت يومها الساعه 7 الصبح 29 يناير
2011 السبت ..وعالساعه 11 ونص بالظبط لقيت العسكري اللي شغال معايا دخل الاستراحه
وبيصحيني بعنف..
ツرجل
القوس @maganenoo
28.الريس اتكلم وسمعنا خطابه
كلنا.وقولنا كده فل..الدنيا خلاص هتهدىوقعدنا نكلم شويه مطمنين بنسبة 60% و 40%
قلق وقسمنا نفسنا ناس تنام وناس تسهر
ツرجل
القوس @maganenoo
27.وفجأه بدأت اخبار بقى ان وزير
الداخليه هايطير ..احمد نظيف هايمشي...والريس هايكلم..استنينا خطاب الريس بفارغ
الصبر عشان البلد تهدى
ツرجل
القوس @maganenoo
26.عالساعه 10 ونص بالظبط كان خبر ضرب
قسم الخانكه واقتحامه..(الخانكه جنبنا) وبعد شويه كمين ابو زعبل انضرب 😲😲😲
ツرجل
القوس @maganenoo
25.سألناه هو في ايه؟قالنا الدنيا قلق
والناس غضبانه بره وهايدمروا اي مقر شرطي عشان كده جيت اسلم السلاح لأقرب كتيبه
مني ..قلقنا اكتر
ツرجل
القوس @maganenoo
24.عالساعه 9 بالليل لقينا مدير مكتب
امن الدوله ظابط ومعاه العساكر والسلاح بتاع المكتب بتاع شبين القناطر (بلد جنب
السجن) جه سلم السلاح
ツرجل
القوس @maganenoo
23.العساكر كل مايسمعوه القائد بتاعهم
يقولهم صيحه فيقولوا (مصصصصر) بصوت عالي وهكذا ..العساكر اتفرهدت..والظباط
اتفرهدت..ومستنيين العنبر يفتح
ツرجل
القوس @maganenoo
22.كمال علام كان بيبص من شراعة
العنبر ويقول للعساكر ..اقتلوا الكفره اللي مشغلينكم كلاب عندهم..احنا لو طلعنا
هنقتلكم معاهم..خلوكم معانا
ツرجل
القوس @maganenoo
21.المساجين ف الزنازين شغالين تخبيط
على ابوابها..بالحلل ..ازعاج رهيب ويوتر الواحد..والعساكر واقفه تعبت م الوقوف..
ツرجل
القوس @maganenoo
20.وقعدنا ندعي ربنا ان الدنيا
تتلم..بس مش ف بالنا خالص انهم هايهجموا على سجننا اصلا..ولا حد هايجرؤ انه يقرب
ناحية منطقة سجون ابو زعبل..
ツرجل
القوس @maganenoo
19.عالساعه 5 ونص كان بدأت اخبار
الهجوم عالاقسام..قسم الزاويه..قسم الزتون..المطريه..الجماليه..الخ بصراحه يومها
اتوترنا..قلنا ايه ده
ツرجل
القوس @maganenoo
18.قطعنا عنهم الكهربا ف الزنازين
قعدوا يخبطوا عالابواب..ياكفره..يامجرمين..وشتايم بقى لحسني مبارك والنظام
والداخليه ..الخ
ツرجل
القوس @maganenoo
17.عشان التلفزيونات وقتها كانت ناقله
بقى اللي بيحصل ف الشارع وفعاليات جمعة الغضب..فقالنا الحاجه دي هتهيجهم اكتر
وهايقرفونا
ツرجل
القوس @maganenoo
16.مش عارفين في ايه..دخلنا استراحة
الظباط شغلنا التلفزيونات لقينا الدنيا مقلوبه..المأمور ادى تعليماته وقال اقطعوا
الكهربا عن المعتقلين..
ツرجل
القوس @maganenoo
15.قاعدين ادام العنبر مستنيين.طبعا
كانت الساعه وصلت 3 العصر وبدأت فعاليات جمعه الغضب بقى قلق ف كل حته..والمساجين ف
ال3 عنابر بيكبروا كل شويه
ツرجل
القوس @maganenoo
14.قال لو كسروا باب العنبر بس
وحاولوا يخرجوا خلصوا عليهم وقتي غير كده سيبهم جوه.فضلنا قاعدين ظباط السجن
والعساكر وقائد الكتيبه ووكيل المنطقه
ツرجل
القوس @maganenoo
13.اتصل بالمساعد وقتها اللي هو اعلى
راس في مصلحة السجون كان اسمه اللواء عاطف شريف ..قاله ماتقتحموش طالما باب العنبر
منكسرش..
ツرجل
القوس @maganenoo
12.5 دقايق بالظبط وصلنا حوالي 30
عسكري بقائدهم قالنا هانقتحم العنبر ورسم الخطه.وكيل المنطقه وقتها قاله استنى
ابلغ مساعد الوزير اخد منه الامر
ツرجل
القوس @maganenoo
11.المأمور اتصل بوكيل المنطقه وقتها اسمه اللواء /شوقي
الشاذلي قاله عالل حصل الوكيل قاله ماتتصرفش الا لما ابعتلك فرقة عساكر تقتحم
العنبر
ツرجل
القوس @maganenoo
10.طلعنا مخبر فوق سطح العنبر من
فوق..قالنا ان باب الزنزانه بتاع كمال علام مكسور ..وده كان سبب الصوت انه وقع
الباب من حلقه..
ツرجل
القوس @maganenoo
9.مافتحناش باب العنبر ..بصينا م
الشراعه لقينا كمال ده زي التور الهايج بيكسر جوه العنبر ف ابواب الزنازين..وعمال
يقول الله اكبر...تكبيييير ..
ツرجل
القوس @maganenoo
8.واحنا بنصلي .سمعنا صوت قوي جدا
..صوت مرعب ..سبنا الصلاه وجرينا عالعنابر نشوف في ايه..سمعنا صوت كمال علام
(الارهابي التكفيري) ده جوه العنبر
ツرجل
القوس @maganenoo
7.وده لان يوم الجمعه يوم
اجازه..الزنازين مابتفتحش خالص على مسجون مهما حصل..يعني مافيش تريض للمسجون مافيش
عياده ..الخ..
ツرجل
القوس @maganenoo
6.يوم 28 يناير كان كل ضباط السجن
موجوده ..كان يوم جمعه..وكنا بنصلي ف الجامع بتاع السجن والدنيا رايقه خالص عندنا
مافيش حس لمسجون ..
ツرجل
القوس @maganenoo
5.كان من الاسماء المسجونه ف السجن ده
طبيب بن لادن كان اسمه رمزي الموافي..وكمال علام اللي الجيش خلص عليه من شهرين
تلاته ..وغيرهم كتير
ツرجل
القوس @maganenoo
4.كان عدد المساجين فيه حوالي 200
مسجون بس ..كلهم من التكفيرين اللي الجيش بيخلص عليهم ف سيناء دلوقتي او خلص عليهم
من فتره..
ツرجل
القوس @maganenoo
3.انا كنت شغال في سجن ابي زعبل شديد
الحراسه ..السجن ده كان مخصص وقتها للمعتقلين السياسين التكفيرين والجهاديين..مكنش
فيهم ولا واحد اخواني
ツرجل
القوس @maganenoo
2.مبدئيا انا كنت شغال في سجن ابو
زعبل ..منطقة سجون ابي زعبل دي عباره عن 4 سجون ..ليمان 1 وليمان 2 وسجن شديد
الحراسه والسجن العسكري..
ツرجل
القوس @maganenoo
بمناسبة موضوع هروب المساجين يوم 29
يناير اللي ناس لسه بتهري فيه..واللي بتتهم فيه وزارتنا بالتخاذل والتواطؤ..وبتتهم
الظباط انهم فتحوا السجون1
ليست هناك تعليقات:
إرسال تعليق